पिंपळगाव बसवंत:  वर्षभरात ३७ हजार गरिबांनी घेतला शिवभोजन थाळीचा आस्वाद

वर्षपूर्तीनिमित्त : केंद्रास आमदार बनकरांची भेट

…..

पिंपळगाव बसवंत: जिल्ह्यातील महत्वाची बाजारपेठ म्हणून परिचित असलेल्या पिंपळगाव बसवंत शहरात  महाविकास आघाडी सरकारच्या माध्यमातून व आमदार दिलीप बनकर यांच्या पुढाकारातून गतवर्षी कोरोना लॉकडाउन काळात   गोरगरीब मजूर वर्गासाठी ९ एप्रिल २०२० पासून अवघ्या ५ रुपयांत  सुरू करण्यात आलेल्या शिवभोजन  थाळीचा अवघ्या एक वर्षभराच्या काळात ३७ हजार  गोरगरीब नागरिकांनी  मनसोक्त आस्वाद घेतला आहे.

गेल्या वर्षी कोरोना महामारीचा व  लॉकडाउनमुळे सर्वच उद्योगधंदे पूर्णपणे ठप्प असल्याने महाविकास आघाडी सरकारच्या माध्यमातून राज्यभर शिवभोजन थाळीचा उपक्रम सुरू करण्यात आला.त्याच पार्श्वभूमीवर पिंपळगाव शहरात  आमदार दिलीप बनकर यांच्या पुढाकाराने शहरातील गोर गरीब गरजू, नागरिकांसह  हातावर पोट असलेल्या नागरीकांसाठी  शिवभोजन थाळीचे केंद्र  हरी ओम महिला बचत गटाच्या सहकार्याने शहरातील  मध्यवर्ती ठिकाणी सुरू  करण्यात आले होते. अवघ्या वर्षभरात तब्बल ३७ हजारांहून अधिक गोर गरीब, मजूर  कामगार वर्गाने शिवभोजन थाळीचा लाभ घेतला आहे. या थाळीत  डाळ भात, दोन भाज्या, तीन चपात्या, आदी पदार्थांचा समावेश असून गोरगरीब नागरिकांचा शिवभोजन थाळीस प्रतिसाद लाभत आहे.

 शिवभोजन थाळीच्या केंद्राची वर्षपूर्ती निमित्त निफाडचे आमदार दिलीप बनकर यानी पिंपळगाव बसवंत येथील शिवभोजन थाळी केंद्रास भेट दिली.यावेळी ग्रामपालिका सदस्य गणेश बनकर, अजय गवळी, सहायक  पोलीस निरीक्षक पप्पू कादरी, हरी ओम महिला बचत गटाच्या शोभा भागवत, संतोष गांगुर्डे, नंदू देशमाने, डी के वाटपाडे, पुंडलिक घोलप, आदिंसह मान्यवर उपस्थित होते.

गोरगरीब नागरिकांसाठी शिवभोजन थाळी

महाविकास सरकारच्या माध्यमातून राज्यात शिवभोजन थाळी सुरू केली. त्याच धर्तीवर पिंपळगाव बसवंत शहरातील  गोरगरीब  मजूर  जनता उपाशी राहू नये यास्तव शासनाच्या मदतीने पिंपळगाव शहरातील गोरगरीब नागरिकांसाठी शिवभोजन थाळी केंद्र सुरू केले. याचा गोरगरीब नागरिक लाभ घेत आहेच शिवाय बचत गटाच्या महिलांच्या  हाताला या माध्यमातून काम मिळाले आहे.

आमदार दिलीप बनकर

……………….

महिलांना रोजगार प्राप्त झाला.

कोरोना लॉकडाऊन काळात निफाडचे आमदार दिलीप बनकर यांच्या पुढाकारातून शहरात वर्षभरापूर्वी शिवभोजन थाळी सुरू करण्यात आली. गोर गरीब जनतेला अवघ्या माफक दरात जेवण उपलब्ध झाले.शिवाय बचत गटाच्या महिलांना रोजगार प्राप्त झाला.

शोभा भागवत, बचतगट संचालिका