पिंपळगाव बसवंत: निफाड तालुक्यातील दावचवाडी व कारसुळ शिवारातील शिव नाल्यात अंदाजे ४१वर्षीय बेवारस इसमाचा मृतदेह आढळून आल्याने खळबळ उडाली आहे. याबत पिंपळगाव पोलीस ठाण्यात गुन्हा दाखल करण्यात आला आहे. पिंपळगाव पोलिसांनी दिलेल्या माहितीनुसार निफाड तालुक्यातील दावचवाडी व कारसुळ शिवारातील शिव नाल्यात निबाच्या झाडाला तारीच्या सहाय्याने गळफास घेऊन अंदाजे ४१ वर्षीय अनोळखी व्यक्तीने गळफास घेऊन आत्महत्या केल्याचे निदर्शनास आल्याने शेतकरी किरण दिलीप ताकाटे यांनी याबत पिंपळगाव पोलीस ठाण्यास माहिती दिली.पोलीस निरीक्षक भाऊसाहेब पटारे यांच्या मार्गदर्शनाखाली एएसआय नाठे यांच्यासह पोलीस हवालदार मनोज बोराळे अधिक तपास करत आहे.
