पिंपळगाव बसवंत: जिल्ह्यातील महत्वाची व्यापारी बाजार पेठ म्हणून परिचित असलेल्या पिंपळगाव बसवंत शहराची व्याप्ती दिवसागणिक वाढत असल्याने येथील तलाठी कार्यालयात नव्याने रुजू झालेल्या अतिरिक्त तलाठी अभिराज पाटील यांनी
सोमवार ८ रोजी आपल्या तलाठी पदाचा पदभार स्वीकारला. पिंपळगाव शहरातील तलाठी कार्यालयात अतिरिक्त तलाठी पदाचा पदभार अभिराज पाटील यांनी स्वीकारल्यानंतर पिंपळगाव बसवंतचे तलाठी राकेश बच्छाव, उंबरखेडच्या तलाठी पदमा फाटकर,आदिंसह कर्मचारी जितेंद्र भोसले, सुहास भोसले, चेतन शिंदे आदींच्या प्रमुख उपस्थितीत नव्याने रुजू झालेल्या तलाठ्यांचा यथोचित सत्कार करण्यात येऊन शुभेच्छा देण्यात आल्या.
