श्रीनगर – पाकिस्तानी सैन्याने युद्धबंदीच्या उल्लंघन केल्यानंतर त्याला भारतीय सैन्याने चोख उत्तर देत गोळीबार केला. या गोळीबारात सात ते आठ पाकिस्तानी लष्कराच्या जवानांना ठार मारुन पाक लष्कराचे मोठ्या प्रमाणात बंकर व लाँच पॅड नष्ट केले आहेत. पाकचे सुमारे १०-१२ सैनिक जखमी झाले असल्याची माहिती भारतीय लष्कराच्या सूत्रांनी दिली. शुक्रवारी जम्मू-काश्मीरमधील उरी सेक्टर आणि गुरेझ सेक्टर दरम्यान अनेक ठिकाणी नियंत्रण रेषेत (एलओसी) युद्धबंदी कराराचे पाकिस्तानी सैन्याने उल्लंघन केल्यानंतर हे चोख उत्तर देण्यात आले.
