दिंडोरी – तालुक्यातील परमोरी ग्रामपंचायतीच्या सरपंचपदाच्या निवडणुकीत सरपंचपदी नवनाथ काळोगे तर उपसरपंच पदी सौ. प्रतिभा शिवले यांची बिनविरोध निवड करण्यात आली.
नुकत्याच संपन्न झालेल्या ग्रामपंचायत निवडणुकीत जगदंबा पॅनलच्या सर्व ९ जागा निवडून आल्या होत्या. आज निवडणूक निर्णय अधिकारी उत्तम भुसारे, ग्रामसेवक बि डी बोरसे यांच्या अध्यक्षतेखाली सरपंच व उपसरपंच पदाची निवडणूक झाली. सरपंचपदासाठी नवनाथ बापूराव काळोगे तर उपसरपंचपदासाठी प्रतिभा महेश शिवले यांचा एकमेव अर्ज आल्याने दोघांची बिनविरोध निवड करण्यात आली. यावेळी ग्रामपंचायत सदस्य जयराम दिघे, दिलीप केदारे, श्रीपत टोंगारे, सौ वंदना जाधव, सौ रुपाली दिघे, सौ पूजा काळोगे, सौ कमल गांगोडे उपस्थित होते.
सरपंचपदाची निवड झाल्यानंतर नवनिर्वाचित पदाधिकाऱ्यांचा ग्रामस्थांतर्फे सत्कार करण्यात आला. याप्रसंगी शालिग्राम काळोगे, नामदेव काळोगे, संदीप काळोगे, भाऊसाहेब जाधव, दिवाकर जाधव, पंडित जाधव, रामनाथ दिघे, रमेश दिघे, राकेश दिघे, कुंदन टोंगरे, सुनील शिवले, पपू शिवले, योगेश काळोगे आदींसह ग्रामस्थ मोठ्या संख्येने उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
