मुंबई – रिपब्लिक टीव्ही या वृत्तवाहिनीचे संपादक अर्णब गोस्वामी यांना अखेर पोलिसांनी अटक केली आहे. अन्वय नाईक आत्महत्या प्रकरणी पनवेल पोलिसांनी ही कारवाई केल्याचे सांगितले जात आहे. गोस्वामी यांना त्यांच्या वरळी येथील घरातून ताब्यात घेण्यात आले असून त्यांना अलिबागकडे नेले जात आहे.
गोस्वामी यांनी पैसे थकविल्याने नाईक यांनी आत्महत्या केली होती. तसे नाईक यांनी आत्महत्येपूर्वी लिहिलेल्या चिठ्ठीत नमूद केले होते. नाईक हे आर्किटेक्ट होते. अन्वय नाईक यांच्या पत्नी अक्षता यांनी दिलेल्या तक्रारीनंतर पोलिसांनी गुन्हा दाखल केला आणि आता गोसावी यांना अटक केली आहे. त्यांना न्यायालयासमोर हजर केले जाणार असून चौकशीसाठी पोलिस कोठडी मागितली जाणार असल्याचे पोलिसांनी सांगितले आहे.
