नाशिक – पंचवटी मध्ये श्रीराम रथ ग्रामोत्सव २०२१ च्या तयारीला सुरुवात झाली आहे. आजपासून श्रीराम रथोत्सव समितीच्या वतीने हनुमान मूर्तीच्या रंगरंगोटी कामाला विधीवत पूजन व आरती करून सुरुवात करण्यात आली. यंदाचा रथोत्सव हा येत्या २३ एप्रिलला येणार आहे. श्रीराम रथातील श्री हनुमानाची मूर्ती ही सागवान लाकडाची आहे. विशेष खबरदारी म्हणून रथोत्सव समितीने मूर्तीच्या रंगरंगोटीचे काम मूर्तीचे कारागीर श्री तुपे यांच्याकडे सोपविले आहे. यावेळी रथोत्सव समितीचे अध्यक्ष व सर्व पदाधिकारी यावेळी हजर होते.
