नवी दिल्ली – नोरा फतेहीच्या डान्सचे अनेकी चाहते आहेत. अनेकांना तिच्यासारखा डान्स करून पाहायचा असतो. तिची ही लोकप्रियता दिवसेंदिवस वाढत असून आता परदेशातही तिचा चाहतावर्ग निर्माण झाला आहे. तिच्या ‘नाच मेरी रानी’ या गाण्यावर नुकताच जपानमधील एका डान्स ग्रुपने परफॉर्मन्स दिला.
गुरु रंधावा याच्या या गाण्यावरील नोराचे नृत्य सर्वांनाच भावले होते. यामुळेच गुरूच्या आवाजासोबतच नोराच्या डान्सने देखील साऱ्यांना वेड लावले. जपानमधील एशियन्स या डान्स ग्रुपने यावर डान्स करत तो व्हिडीओ सोशल मीडियावर शेअर केला. त्यानंतर नोराने देखील तो शेअर केला. जापनीज ग्रुपचा हा डान्स लोकांना आवडला आहे.
या गाण्यात रंधावा शास्त्रज्ञ किंवा इंजिनिअर आहे. तो एक रोबो तयार करतो. हा रोबो नोराचा चेहरा घेतो आणि नाचायला लागतो, अशी या गाण्याची मूळ संकल्पना आहे. यात गुरु रंधावा पण डान्स करत असून तो प्रेक्षकांच्या पसंतीस येतो आहे. या गाण्याची निर्मिती टी सिरीजची आहे.
