नवी दिल्ली : कार्यक्रमादरम्यानचे वाद, खेळ,निरनिराळे टास्क, रोमान्स यांमुळे ‘बिग बॉस’ नेहमीच चर्चेत असतो. कार्यक्रम पाहून यातून कोण बाहेर जाणार याचे अंदाजही प्रेक्षक बांधत असतात. नुकतीच या घरातून नैना सिंग बाहेर गेली आहे. रविवारी या खेळातून आणखी एक स्पर्धक घराबाहेर जाणार असल्याचे सलमान खान याने आधीच सांगितले होते. त्याप्रमाणे ‘वीकेंड का वॉर’ या खेळात नैना सिंग हिचे नाव आले. या आठवड्यात नैना सिंग, शार्दूल पंडित,राहुल वैद्य आणि रुबिना दिलॆक हे सगळे एव्हिक्शनसाठी नॉमिनेट झाले होते. त्यातील रुबिना हिला तिचे पती अभिनव शुक्ल यांनी वाचवले, तर त्यानंतर उरलेल्या सदस्यांपैकी नैना सिंग हिला बाहेर करण्यात आले. कविता कौशिक आणि शार्दूल यांच्यासोबत नैनाने बिग बॉसच्या घरात प्रवेश केला होता. मात्र, ती स्वतःची काही खास छाप सोडू शकली नाही. छोट्या छोट्या गोष्टीवरून तिचे वाद होतांना दिसत होते. नैना, शार्दूल आणि राहुल हे तिघे रेड झोनमध्ये होते. त्यातील नैनाला घराबाहेर जावे लागले आहे.
