निमा तर्फे रक्तदानाचा होणार विश्वविक्रम; राष्ट्रपतींच्या हस्ते उद्घाटन

मागच्या महिन्यापासून कोरोना ने पुन्हा डोके वर काढले असून कॉलेज बंद, मंदिरे बंद, औद्योगिक क्षेत्रामध्ये सुध्दा शिबीरे होत नाही त्यामुळे आज रोजी रक्ताचा तुटवडा जाणवत आहे. त्याच पार्श्वभूमीवर येत्या २३ मार्च रोजी शहिद भगतसिंग, राजगुरू आणि सुखदेव यांची पुण्यतिथी आहे.

 या निमित्ताने नॕशनल इंटिग्रेटेड मेडीकल असोसिएशन, नाशिक शाखा म्हणजेच निमा द्वारा रक्तदान शिबिराचे आयोजन  विभागीय संदर्भ सेवा रुग्णालाय, शालिमार येथे  मंगळवार, २३ मार्च रोजी सकाळी ९ ते १ या  वेळेत करण्यात आले आहे…तरी नागरिकांनी उपस्थित राहून रक्तदान करावे आणि गरजु रुग्णांना जीवनदान द्यावे, असे आवाहन निमाने केले आहे.

दररोज होणारे अपघात शस्त्रक्रिया,महिलांचे बांळतपण,जळालेले रुग्ण व आकस्मिक होणाऱ्या रक्तस्त्राव आदि दुर्धर आजारांसाठी रक्ताची प्रचंड गरज भासते. ज्यांचे वय १८ ते ५५ या दरम्यान आहे वजन ५० कि.लो.पेक्षा जास्त आहे हिमोग्लोबीन १२.५% ग्रामपेक्षा जास्त आहे, असा प्रत्येक निरोगी स्त्री अथवा पुरुष रक्तदान करु शकतात. कोविड विरोधी लसिकरणाचे दोन डोस होवुन २८ दिवस पुर्ण झाल्यानंतर रक्तदान करता येते, असे निमा नाशिक जिल्हा शाखेच्या अध्यक्ष डॉ. जयश्री सूर्यवंशी यांनी सांगितले आहे. रक्तदान पुर्णतः सुरक्षित दान आहे…मनामध्ये कुठलीही भिती किंवा शंका न घेता रक्तदान करावे असे आवाहन डॉ सुर्यवंशी  यांनी केले आहे.