पिंपळगाव बसवंत – नाशिक – औरंगाबाद महामार्गावर निफाड येथील कादवा नदीवरील जुन्या पुलावरून औरंगाबादकडे जाणारा मालवाहतूक करणारा आयशर ट्रक कोसळला. गुरुवारी ७ वाजेच्या दरम्यान ही घटना घडली.निफाड पोलिसांनी दिलेल्या माहितीनुसार गुरुवारी रात्री नागपूर कडे परशूमचे बॉक्स घेऊन जाणारा आयशर (ट्रक. क्र. एम. एच. ०४. पी. डी. ९३८७) कादवा नदी पुलावरून आयशर ट्रक कोसळला. ही माहिती स्थानिक नागरिकांना ट्रक कोसळल्याचे कळताच नागरिकांनी तातडीने पोलिसांना खबर दिली. आणि मदतकार्य सुरू केले. यावेळी आयशर गाडीमध्ये मालक देवेंद्र प्रतापराव देशमुख व चालक सचिन साहेबराव बिरारी (रा. एकलहरे, नाशिक) यांना बाहेर काढून निफाड येथील साई स्पेशालिटी हॉस्पिटलमध्ये उपचारासाठी हलविले. त्यांच्यावर डॉ. धोक्रट, डॉ. मंडलिक उपचार करीत आहे. दोन्ही अपघातग्रस्तांची प्रकृती व्यवस्थित असल्याचे पोलिसांनी सांगितले. नदीला पाणी होते. शिवाय अंधार होता. तरीही दोघांना वाचवण्यात निफाड पोलिसांना यश आले. तसेच आयशरमध्ये बंदिस्त बॉक्स होते.
