स्वामी समर्थनगरला घरफोडी
नाशिक – आडगाव शिवारात जत्रा हाॅटेलमागे स्वामी समर्नगरला घरफोडी होऊन त्यात,
८० हजार ५०० रुपयांची घरफोडी झाली. याप्रकरणी चारुलता महेश भारंबे (वय ४२, स्वप्नपूर्ती उमा रेसीडेन्सी स्वामी समर्थनगर यांच्या तक्रारीवरुन आडगाव पोलिस ठाण्यात गुन्हा दाखल झाला आहे. त्यांच्या तक्रारीनुसार, शनिवारी रात्रीतून कधीतरी चोरट्यांनी मु्ख्य दरवाजाचे लॅच तोडून घरातील ७ ग्रमचे सोन्याचे मंगळसूत्र, ४२ हजाराची रोकड, ४ ग्रॅमचे सोन्याचे कानातील जोड, ३ सोन्याच्या मुरण्या, दीड हजाराचा चांदीचा छल्ला, चांदीचे जोडवे असा सुमारे ८० हजाराचा ऐवज चोरुन नेला.
….
मोबाईल हिसकावून नेला
नाशिक – गंगापूर रोड वरील जेहान सर्कल ते करी लिव्हज दरम्यान रविवारी रात्री दहाच्या सुमारास पायी मोबाईलवर बोलत जात असतांना पाठीमागून जेहान सर्कलकडून काळ्या पल्सरहून आलेल्या तिघांपैकी मध्ये बसलेल्या एकाने मोबाईल हिसकावून नेला.याप्रकरणी मोनील दिलीप डगली (वय ३५, सावरकरनगर गंगापूर रोड) यांच्या तक्रारीवरुन गंगापूर पोलिस ठाण्यात गुन्हा दाखल करण्यात आला आहे. पोलीस उपनिरीक्षक एस.व्ही.शेंडकर तपास करीत आहेत.
…..
दोन दुचाकी चोरीला
नाशिक – शहरात दिंडोरी नाक्यावर नाशिक इंण्डस्ट्रीज प्रा. लि बॅकसमोर सोमवारी विष्णु कारभारी ढाकणे (वय ६४, उदय काॅलनी मखमलाबाद नाका) यांची हिरो होंडा स्प्लेंडर (एमएच १५ बीई ६४३४) चोरट्याने चोरुन नेली. दुस-या घटनेत रामभाऊ रघुनाथ थेटे (वय ४३, मराठानगर जेल रोड) यांनी नाशिक रोड बस स्टॅण्ड जवळ दुकानासमोर लावलेली हिरो होंड़ा स्प्लेंडर (एमएच २० बीजे ४५०१) चोरट्याने चोरुन नेली.
….
छोले विक्रेत्याला घरात घूसून मारहाण
नाशिक- सातपूर गावात महापालिकेच्या खोका मार्केट परिसरात छोले विक्री करणा-या हरिराम शिवकुमार साह (वय १८, निगळ गल्ली सातपूर) याला विक्रेत्याला भांडणातून स्वप्नील शांताराम जाधव (वय ३१, सागर मारुती जाधव (३२, महालक्ष्मी चौक महादेव वाडी ) या दोघांनी घरात घुसून मारहाण करीत, हातगाडा उलटा करील गॅस टाकी, रेग्युलेटर, लोखंडी कढई, पाण्याची पंचपात्री, अल्युमिनियमचे पातेले, स्टीलचे चार ताट, असा वस्तू फेकून देऊन मारहाण केली. या दहशतीबाबत आसपासचे लोक सोडवायले आल्यावर त्यांना शिवीगाळ केली. याप्रकरणी सातपूर पोलिस ठाण्यात गुन्हा दाखल करण्यात आला आहे.
