नाशिक : सिडकोतील हेडगेवार चौकात झालेल्या घरफोडीत चोरट्यांनी ८० हजाराचा ऐवज चोरून नेला. त्यात सोन्याचांदीच्या दागिण्यांचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
संगिता धर्मा हिरे (रा.एमएसईबी आॅफिस मागे,हेडगेवार चौक) यांनी याप्रकरणी तक्रार दाखल केली आहे. हिरे कुटूंबिय ३० आॅक्टोबर रोजी बाहेर गावी गेले होते. या काळात अज्ञात चोरट्यांनी त्यांच्या बंद घराचा कडीकोयंडा तोडून कपाटातील ८० हजाराचे सोन्याचांदीचे दागिणे चोरून नेले. ही घटना बुधवारी (दि.४) उघडकीस आली. अधिक तपास सहाय्यक निरीक्षक शिंदे करीत आहेत.
