नाशिक – सावानाला वाचक लक्ष्मण बाणाईत यांचे कडून एक लाखाची देणगी

नाशिक – सार्वजनिक वाचनालयाचे ज्येष्ठ सदस्य व वाचक लक्ष्मण तुकाराम बाणाईत यांनी आपली पत्नी स्व.सौ. प्रमोदिनी लक्ष्मण बाणाईत यांचे स्मरणार्थ वाचनालयास एक लाख रुपये देणगी दिली. वाचनालया सारख्या सांस्कृतिक क्षेत्रात अविरत कार्य करणाऱ्या संस्थेला देणगी दिल्याबद्दल कृतज्ञता कार्यक्रम आयोजित करण्यात आला होता. स्व.सौ. प्रमोदिनी लक्ष्मण बाणाईत यांच्या स्मरणार्थ दिलेल्या देणगीचा वाचक संस्कृतीवाढीसाठी उपयोग केला जाईल. असे अभिवचन वाचनालयाचे प्रमुख सचिव जयप्रकाश जातेगावकर यांनी यावेळी सांगितले. कार्यक्रमास अनंत लक्ष्मण बाणाईत वाचनालयाचे उपाध्यक्ष नानासाहेब बोरस्ते, कार्याध्यक्ष वसंत खैरनार, सहा. सचिव अॅड.भानुदास शौचे, श्रीकांत बेणी, बालविभाग प्रमुख संजय करंजकर,प्रा. डॉ.शंकर बोऱ्हाडे नाटककार विवेक गरुड, अभिनेते सदानंद जोशी, लोकहितवादी मंडळाचे मुकुंद कुलकर्णी, सुभाष पाटील, नागेश कांबळे, कृष्णा पवार, मुक्तेश्वर मुन्नशेट्टीवार उपस्थित होते.