नाशिक : शिवीगाळ व दमदाटी करत हवेत गोळीबार केल्याप्रकरणी संशयितावर उपनगर पोलीस ठाण्यात एकावर गुन्हा दाखल करण्यात आला आहे. ही घटना शनिवारी (दि. १९) सकाळी वडनर दुमला येथे घडली. संतोष प्रकाश निसाळ (रा. शिंगवेबहुला) असे गोळीबार करणार्‍या संशयितांचे नाव असून पोलिसांनी त्यास ताब्यात घेतले आहे. याप्रकरणी भास्कर वामन पोरजे (रा. वडनेर दुमाला, गोविंदनगर) यांनी फिर्याद दिली आहे. त्यानुसार शनिवारी सकाळी साडेनऊच्या सुमारास फिर्यादी भास्कर पोरजे यांचा भाचा संशयित संतोष निसाळ हा त्यांच्या घराजवळ आला व दमटाटी व शिवीगाळ करून त्यांच्याकडील पिस्टलमधून एक राऊंड हवेत फायर केला. याप्रकरणी पोलिसांनी रविवारी संशयितास अटक केली असून पोलीस उपनिरीक्षक बटूळे तपास करत आहे.
…..
एकावर कोयत्याने वार
नाशिक : वाईट नजरने पाहतो असे म्हणत कुरापत काढून एकास कोयता डोक्यात मारून जखमी करण्यात आल्याची घटना शनिवारी (दि.१९ ) सकाळी नाशिकरोड्च्या आश्विनी कॉलनीत घडला. नीलेश प्रकाश सोनवणे, गणेश प्रकाश सोनवणे (रा. अश्विनी कॉलनी) असे संशयितांची नावे आहेत. याप्रकरणी संजय रामचंद्र सोनवणे (रा. अश्विनी कॉलनी, सामनगावरोड) यांनी फिर्याद दिली आहे. त्यानुसार शनिवारी सकाळी फिर्यादी संजय सोनवणे हे सामाईक घराचे आवारातील झाडेची फळे तोडत होते. यावेळी दोन्ही संशयित त्यांच्याजवळ आले व आईकडे वाईट नजरेने पाहतो, असे म्हणत फिर्यादीच्या डोक्यात कोयता मारला. तसेच लाकडी दांडक्याने मारहाण करून जखमी केले. याप्रकरणी नाशिकरोड पोलीस ठाण्यात गुन्हा दाखल करण्यात आला आहे. हवालदार उजागरे अधिक तपास करत आहे.
