नाशिक शहरात दोन वेगवेगळ्या अपघातात १ ठार, ४ जखमी

नाशिक – भरधाव पिकअपच्या धडकेत जखमी होऊन मोटारसायकलवरील एकाचा मृत्यू झाला. यशवंत काशिनाथ पवार (रा. सैय्यद पिंपरी) असे मृत्यू झालेल्या व्यक्तीचे नाव आहे. याप्रकरणी यशवंत यांचे बंधू वसंत पवार यांनी दिलेल्या फिर्यादीवरून अज्ञात पिकअप चालकाविरुद्ध पंचवटी पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, शुक्रवारी (दि. २२) सायंकाळी पाचच्या सुमारास फिर्यादी वसंत पवार व त्यांचे लहान बंधू यशवंत हे मोटारसायकल क्र. (एमएच १५ जीबी ५६८६) वरून हिरावाडी, पंचवटी येथून सैय्यद पिंपरीकडे जात होते. यावेळी हिरावाडी कॉर्नरजवळील चौफूली परिसरात असताना पाठिमागून भरधाव येणाºया अज्ञात पिकअपने पवार यांच्या मोटारसायकलला धडक दिली. यात यशवंत पवार यांच्या छातीस व डोक्यास गंभीर दुखापत होऊन त्यांचा मृत्यू झाला. तर फिर्यादी वसंत पवार हे देखील जखमी झाले. अपघातात मोटारसायकलचे मोठे नुकसान झाले असून पिकअपचालक घटनास्थळावरून पळून गेला. याप्रकरणी सहायक पोलीस निरीक्षक व्ही. व्ही. गीरी तपास करत आहे.

—