नाशिक : शहरात चैनस्नॅचर पुन्हा सक्रिय झाले असून, दोन ठिकाणी दुचाकीस्वार भामट्यांनी महिलांच्या गळयातील मंगळसुत्र ओरबाडून नेले. याप्रकरणी भद्रकाली आणि उपनगर पोलीस ठाण्यात जबरीचोरीचे गुन्हे दाखल करण्यात आले आहेत. काठेगल्लीतील आयटीआय कॉलनीत राहणा-या स्वाती निलेश पाटील (४०) यांनी दिलेल्या तक्रारी म्हटले आहे की, पाटील मंगळवारी सायंकाळी फेरफटका मारण्यासाठी घराबाहेर पडल्या होत्या. शंकर नगर येथील चौफुली जवळील लक्ष्मी अपार्टमेंट समोरून त्या जात असतांना काळया दुचाकीवर विरूध्द दिशेने आलेल्या भामट्यांने त्यांच्या गळयातील सुमारे ७० हजार रूपये किमतीचे मंगळसुत्र ओरबाडून नेले. ही घटना सव्वा सात वाजेच्या सुमारास घडली. याप्रकरणी भद्रकाली पोलीस ठाण्यात जबरीचोरीचा गुन्हा दाखल करण्यात आला असून अधिक तपास उपनिरीक्षक राऊत करीत आहेत.
दुसरी घटना साडे सात वाजेच्या सुमारास डिजीपी नगर भागात घडली. ज्योती तुषार घोडके (४८ रा.डीजीपीनगर) या मंगळवारी साडे सात वाजेच्या सुमारास घराजवळ फेरफटका मारत असतांना ही घटना घडली. गणपती मंदिरा पुढील चॉईस किराणा दुकाना समोरून त्या पायी जात असतांना समोरून काळया रंगाच्या दुचाकीवरून आलेल्या भामट्याने त्यांच्या गळयातील सुमारे २० हजार रूपये किमतीचे मंगळसुत्र बळजबरीने हिसकावून नेले. याप्रकरणी उपनगर पोलीस ठाण्यात जबरीचोरीचा गुन्हा दाखल करण्यात आला असून अधिक तपास उपनिरीक्षक पाटील करीत आहेत.
…
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
