पर्समधील रोकडसह कार चोरी
नाशिक : बेडरूमच्या खिडकीत हात घालून चोरट्यांनी पर्समधील रोकड आणि घरासमोर पार्क केलेली कार चोरून नेल्याची घटना वडनेर दुमाला येथे घडली. याप्रकरणी उपनगर पोलीस ठाण्यात चोरीचा गुन्हा दाखल करण्यात आला आहे. संदिपसिंग महेंद्रसिंग ढिललोन (रा.कारगिल गेट जवळ,वडनेर दुमाला) यांनी याप्रकरणी तक्रार दाखल केली आहे. ढिललोन कुटूंबिय गेल्या रविवारी (दि.३) रात्री निद्रावस्थेत असतांना ही घटना घडली. बेडरूमची खिडकी उघडी असल्याची संधी साधत चोरट्यांनी हात घालत टेबलावरील पर्समधून ७ हजार २०० रूपयांची रोकड आणि कारची चावी चोरी केली. त्यानंतर घरासमोर पार्क केलेली एमएच ०२ सीएल ४६०३ ही व्हिस्टा कार पळवून नेली. अधिक तपास हवालदार कोकाटे करीत आहेत.
