नाशिक – नाशिक महानगरपालिका राजीव गांधी भवन येथे विरोधी पक्षनेते यांच्या दालनाला आग लागल्याचे वृत्त आहे. ही आग सकाळी लागली. राजीव गांधी भवन येथे दुस-या मजल्यावर हा कक्ष आहे. अग्निशमन दलाकडून दोन तासाच्या शर्थीचे प्रयत्न करुन अग्निशमन दलाने आग विझवण्यात यश मिळवले. या कार्यालयात पेस्ट कंट्रोलचे काम सुरु होते. ही आग कशामुळे लागली याचे कारण मात्र समजू शकले नाही. कालच पुणे येथे सिरम इन्सिट्यूट येथे आग लागून पाच जणांचा मृत्यु झाल्याची घटना ताजी असतांना नाशिकमध्ये ही आग लागल्याची घटना घडली.
या आगीनंतर महापौर,आयुक्त, विरोधी पक्षनेते यांनी आगीच्या ठिकाणी भेट दिली.
