नाशिक मध्ये शल्य शालाक्य प्रसुतीतंत्र मंडळाची स्थापना

नाशिक – नुकतेच केंद्र शासनाच्या आयुष विभागाने आयुर्वेदातील पदव्युत्तर पदवीधाकरांना शस्त्रक्रिया संदर्भात विस्तारित निर्णय देत विनिर्दिष्ट शस्त्रक्रिया करण्यास अनुमती दिली आहे. या निर्णयाचा फायदा विशेषत: ग्रामिण भागात होणार आहे. नाशिक जिल्ह्यातील सुमारे ८० शल्य, शालाक्य, प्रसुतीतंत्र विशेषज्ञ नॅशनल इंटिग्रेटेड मेडिकल असोसिएशनच्या नेतृत्वात एकत्रित येत ” आयुर्वेद सर्जरी फोरम” ची स्थापना करण्यात आली आहे.

फोरमच्या चेअरमनपदी डॉ. सचिन जाधव, को-चेअरमन पदी डॉ. श्रीपाद उपासनी, कन्वेनर डॉ. दिपक रावतोळे यांचेसोबत कार्यकारिणी सदस्य म्हणुन डॉ. अजित खालकर, डॉ. विशाल पगार, डॉ. आशिष हस्तक, डॉ अजय कापडणीस व डॉ शिल्पा चौधरी यांची नियुक्ती करण्यात आली आहे.

“आयुर्वेद सर्जरी फोरम ” द्वारा जिल्हाभरातील सदस्यांच्या शल्यकर्म कौशल्याचा परिचय तसेच पदव्युत्तर विद्यार्थ्यांकरिता प्रात्यक्षिक सहकार्य केले जाणार आहे. फोरम स्थापनेप्रसंगी निमा नाशिक च्या  अध्यक्षा डॉ. जयश्री सुर्यवंशी, केंद्रिय सहकोषाध्यक्ष डॉ शैलेश निकम, राज्य  सहसचिव डॉ अनिल निकम, निमा महाराष्ट्र प्रवक्ता डॉ तुषार सुर्यवंशी, डॉ देवेन्द्र बच्छाव, डाॅ. राहुल पगार, सचिव डॉ वैभव दातरंगे, खजिनदार डॉ प्रतिभा वाघ, संयोजक डॉ मनीष हिरे, उपाध्यक्षद्वये डॉ ललित जाधव व डॉ व्यंकटेश पाटील तसेच सर्व कार्यकारिणी सदस्य हजर होते.