रिक्षाचालकाकडून दोघा बहिणींचा विनयभंग
नाशिक : रस्त्याने पायी जाणा-या दोघा बहिणींची वाट अडवित रिक्षाचालकाने भररस्त्यात दोघा महिलांना मारहाण करीत विनयभंग केल्याची घटना औद्योगीक वसाहतीत घडली. याप्रकरणी सातपूर पोलीस ठाण्यात मारहाण व विनयभंगाचा गुन्हा दाखल करण्यात आला आहे. पोलीसांनी दिलेल्या माहिती नुसार तक्रारदार महिला आणि तिची मामे बहिण या दोन्ही महिला सोमवारी (दि.२२) सायंकाळच्या सुमारास महिंद्रा कंपनीच्या मटेरियल गेट समोरून अशोकनगरच्या दिशेने पायी जात असतांना ही घटना घडली. परिसरात लागलेल्या सेल दुकानात खरेदी करून दोन्ही महिला आपल्या घराकडे जात असतांना स्टेट बँक भागात पाठीमागून एमएच १५ एफयू २८५४ या रिक्षामधून आलेल्या चालकांने त्यांची वाट अडविली. यावेळी संशयीताने मामे बहिणीचा हात धरून विनयभंग केला. यावेळी तक्रारदार महिला आपल्या बहिणीच्या बचावासाठी धावून गेली असता संशयीताने दोघा महिलांना मारहाण करून तिचाही विनयभंग केला. अधिक तपास उपनिरीक्षक काळे करीत आहेत.
…..
चोरीच्या प्रयत्नात एकास अटक
नाशिक : चोरी करण्याच्या उद्देशाने अंधारात लपून बसलेल्या भामट्यांस पोलीसांनी जेरबंद केले. गस्ती पथकाने ही कारवाई केली. याप्रकरणी पंचवटी पोलीस ठाण्यात गुन्हा दाखल करण्यात आला आहे. आकाश संतोष शिंदे (२५ रा. गौंडवाडी,फुलेनगर) असे संशयीत चोरट्याचे नाव आहे. पंचवटी पोलीसांचे गस्ती पथक रविवारी (दि.२१) रात्री परिसरात पेट्रोलींग करीत असतांना संशयीत पोलीसांच्या जाळ््यात अडकला. पेठकर प्लाझा बिल्डींग समोरील म्हैसधुणे अ‍ॅग्रो सेंटर या दुकानाच्या शटच जवळ संशयीत संशयास्पद मिळून आला. अधिक तपास पोलीस नाईक बोंबले करीत आहेत.
……..
