नाशिक – बेकायदेशीरपणे देशी कट्टा जवळ बाळगणार्‍यास भद्रकाली पोलीसांनी केले जेरबंद

कट्टयासह एक जेरबंद
नाशिक: बेकायदेशीरपणे देशी कट्टा जवळ बाळगणार्‍या एकास भद्रकाली पोलीसांनी जेरबंद केले आहे. मोहम्मद अन्वर सय्यद (२६, रा. प्रज्ञानगर, नानावली) अशी या प्रकरणी अटक करण्यात आलेल्या संशयिताचे नाव आहे. त्याच्याकडून ३२ हजाराचा एक देशी बनावटीचा कट्टा व दोन जिवंत काडतुसे जप्त करण्यात आली आहेत. पोलीसांनी दिलेल्या माहितीनुसार पोलीसांनी केलेल्या नाकाबंदीत मध्ये संशयित बेकायदेशीर रीत्या कट्टा जवळ बाळगताना आढळून आल्याने पोलीसांनी त्यास अटक केली. याप्रकरणी भद्रकाली पोलीस ठाण्यात गुन्हा दाखल करण्यात आला आहे. अधिक तपास पोलीस नाईक रमेश कोळी करत आहेत.

…..

रेल्वेतून पडून एकाचा मृत्यू
नाशिक: धावत्या रेल्वेतून पडल्याने गंभीर जखमी झालेल्या अनोळखी व्यक्तीचा उपचारा दरम्यान रविवारी मृत्यू झाला.ही घटना २६ मार्चला घडली होती. दुपारी तीन वाजेच्या सुमारास एकलहरा रेल्वे ट्रॅकसमोर १९२/७ ते १९२/९ दरम्यान एक अनोळखी व्यक्त रेल्वेतून पडून गंभीर जखमी झाल्याचे टॅ्रंकमॅन सतीश सोनवणे यांच्या निदर्शनास आले होते. त्यांनी जखमी व्यक्तीला उपचारासाठी जिल्हा रूग्णालयात दाखल केले होते. या ठिकाणी उपचार सुरू असताना शनिवारी सकाळी त्यांचा मृत्यू झाल्याचे वैद्यकीय अधिकार्‍यांनी तपासून घोषीत केले. याप्रकरणी नाशिरोड पोलीसांत नोंद करण्यात आली आहे.

……

बांधकामवरून पडून मजुर ठार
नाशिक: बांधकाम सुरू असलेल्या इमारतीवरून पडून मजुर ठार झाल्याची घटना मोतीवाला महाविद्यालयासमोर, गंगापूर रोड येथे रविवारी (दि.२८) सायंकाळी घडली. दिनेश भगावान पाटील (४७, रा. घाडगे मळा, नाशिकरोड) असे या घटनेत मृत्यू झालेल्या व्यक्तीचे नाव आहे. पोलीसांनी दिलेल्या माहितीनुसार पाटील हे गंगापुर रोड परिसरात किरण चौरे यांच्या बंगल्याच्या वर सुरू असलेल्या बांधकामावर गंवडी म्हणुन काम करत होता. अचान त्याचा पाय घसरुन तो खाली पडून गंभीर जखमी झाला. त्यास जिल्हा रूग्णालयात दाखल करण्यात आले. परंतु तत्पुर्वीच त्याचा मृत्यू झाल्याचै वैद्यकीय अधिकार्‍यांनी तपासून घोषीत केले. याप्रकरणी गंगापूर पोलीस ठाण्यात नोंद करण्यात आली आहे.