पेठरोडला एकाची आत्महत्या
नाशिक : पेठरोडवरील अश्वमेधनगर भागात राहणा-या ३६ वर्षीय इसमाने आपल्या राहत्या घरात गळफास लावून आत्महत्या केली. सदर व्यक्तीच्या आत्महत्येचे कारण समजू शकले नाही. याप्रकरणी म्हसरूळ पोलीस ठाण्यात मृत्युची नोंद करण्यात आली आहे. जीवन नारायण शिंगाडे (रा.पवार मळा,पांडूरंग कॉलनी) असे आत्महत्या करणा-या इसमाचे नाव आहे. जीवन शिंगाडे यांनी रविवारी (दि.८) आपल्या राहत्या घरात अज्ञात कारणातून छताच्या लोखंडी अ‍ँगलला साडी बांधून गळफास लावून घेतला होता. ही बाब लक्षात येताच कुटूंबियांनी त्यांना तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. अधिक तपास हवालदार पठाण करीत आहेत.
…..
आनंदनगरला महिलेची आत्महत्या
नाशिक : पाथर्डी फाटा परिसरातील आनंदनगर भागात राहणा-या ३८ वर्षीय महिलेने आपल्या राहत्या घरात गळफास लावून घेत आत्महत्या केली. सदर महिलेच्या आत्महत्येचे कारण समजू शकले नाही. याप्रकरणी इंदिरानगर पोलीस ठाण्यात मृत्युची नोंद करण्यात आली आहे. रोहिनी दिपक मिस्तरी – निकम (रा.सोनुशा रो हाऊस,गिरीधरनगर) असे आत्महत्या करणा-या महिलेचे नाव आहे. रोहिनी यांनी रविवारी (दि.८) अज्ञात कारणातून आपल्या राहत्या घरातील बेडरूममध्ये पंख्यास साडी बांधून गळफास लावून घेतला होता. त्यात त्यांचा मृत्यु झाला. अधिक तपास हवालदार शेख करीत आहेत.
