नाशिक – नाशिक महानगर पालिकेच्या वतीने कोरोनाच्या पार्श्वभूमीवर विविध उपाययोजना केल्या जात असताना महापालिका आयुक्त कैलास जाधव यांनी डॉ. पंजाबराव देशमुख वसतिगृह व ठक्कर डोम येथे पाहणी करून विविध प्रकारची कामे तातडीने पूर्ण करण्याच्या सूचना यावेळी दिल्या.
शहरात कोरोना बाधितांचे संख्या दिवसेंदिवस वाढत असून ती कमी करण्याच्या दृष्टीने महापालिकेच्या माध्यमातून विविध स्तरावर उपाययोजना केल्या जात आहेत. भविष्यात रुग्णांची संख्या वाढल्यास त्या रुग्णांना राहण्याची व्यवस्था मनपाच्या हॉस्पिटल मध्ये करण्यात आलेली असून त्यामध्ये असणारे बेड अपुरे पडल्यास भविष्यातील उपाययोजना म्हणून पूर्वी सुरू असलेले डॉ. पंजाबराव देशमुख वसतिगृह मेरी कोविड सेंटर व ठक्कर डोम हे आवश्यकता भासल्यास पुन्हा सुरू करण्याच्या दृष्टीने पाहणी करण्यात आली.
डॉ. पंजाबराव देशमुख वसतिगृह मेरी कोविड सेंटर येथे सध्या राहत असलेल्या विद्यार्थ्यांना एका स्वतंत्र इमारतीत स्थलांतरित करून उर्वरित इमारतीत कोरोना रुग्णांना ठेवण्याची व्यवस्था करण्याच्या दृष्टीने नियोजन करण्याच्या सूचना मा.आयुक्त कैलास जाधव यांनी दिल्या. तसेच ठक्कर डोम येथे पाहणी करून येथील कक्ष सुरू करण्याच्या दृष्टीने पूर्वीप्रमाणेच अद्यावत अशी व्यवस्था करण्याच्या सूचना यावेळी मा.आयुक्त कैलास जाधव यांनी संबंधित विभागास दिल्या. यावेळी आयुक्त कैलास जाधव यांच्या समवेत विभागीय अधिकारी जयश्री सोनवणे, विवेक धांडे,कार्यकारी अभियंता राजू आहेर,कोरोना कक्ष अधिकारी डॉ.आवेश पलोड,क्रेडाईचे अभिषेक ठक्कर,बागड आदी उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
