नाशिक – पार्कींगमधून दुचाकी चोरीच्या दोन घटना, महागडी सायकलही केली लंपास

दुचाकी लंपास
नाशिक : घरासमोर पार्क केलेली दुचाकी आणि पाण्याचे मीटर चोरट्याने लंपास केल्याची घटना प्रभातनगर, म्हसरुळ येथे घडली. याप्रकरणी अशोक यशवंत चौधरी यांनी म्हसरुळ पोलीस ठाण्यात  तक्रार दाखल केली. पोलिसांच्या माहितीनुसार, २७ जानेवारीला रात्री चौधरी यांनी दुचाकी (एमएच ४१, यु ५७७०) घरासमोर पार्क केली. त्यांच्या गैरहजेरीत चोरट्याने दुचाकी व ताब्यांच्या धातूचे २ हजार रुपये किंमतीचे पाण्याचे मीटर चोरून नेले. पुढील तपास पोलीस नाईक शिंदे करत आहेत.

…..

अ‍ॅक्टिव्हा चोरी
नाशिक : राहत्या घराच्या पार्किंगमधून चोरट्याने अ‍ॅक्टिव्हा चोरून नेल्याची घटना भाऊसाहेब हिरेनगर येथे घडली. याप्रकरणी दत्तात्रय कारभारी चव्हाण यांनी मुंबई नाका पोलीस ठाण्यात तक्रार दाखल केली आहे. पोलिसांच्या माहितीनुसार, चव्हाण यांनी त्यांची अ‍ॅक्टिव्हा (एमएच १५ सीडब्ल्यु ६३५७) घराच्या पार्किंगमध्ये पार्क केली होती. त्यांच्या गैरहजेरीत चोरट्याने अ‍ॅक्टिव्हा चोरून नेली. पुढील तपास हवालदार घुगे तपास करत आहेत.

….

महागडी सायकलची चोरी
नाशिक : दुचाकीसह शहरात महागड्या सायकल चोरीच्या घटनांमध्ये वाढ झाली आहे. सोसायटीच्या पार्किंगमध्ये पार्क केलेली सायकल चोरट्याने लंपास केल्याची घटना मोरया सदन, संभाजीनगर, दसक येथे घडली. याप्रकरणी दिनेश सुधाकर मोरे यांनी नाशिकरोड पोलीस ठाण्यात तक्रार दिली. पुढील तपास पोलीस हवालदार एस. बी. शिंदे करत आहेत.

…..