पाथर्डीफाट्यावर घरफोडी
नाशिक : बंद फ्लॅटचे कुलूप तोडून चोरट्यांनी घरातील दगिणे व रोकड असा लाखाचा मुद्देमाल चोरून नेल्याची घटना मंगळवारी (दि.१६) रात्री पाथर्डी फाटा परिसरात घडली. याप्रकरणी मनोज श्रीरंग पाटील (रा. मंगलमुर्ती अपार्टमेंट, पाथडीफाटा) यांनी तक्रार दाखल केली आहे. त्यानुसार पाटील कुटुंबिय बाहेरगावी गेले असता अज्ञात चोरट्यांनी त्यांच्या घराचे कुलूप तोडून आत प्रवेश केला. घरातील कपाटात ठेवलेले सोन्याचे दागिणे, मोबाईल व रोकड असा ९१ हजार २५ रूपयांचा मुद्देमाल चोरून नेला. याप्रकरणी इंदिरानगर पोलीस ठाण्यात गुन्हा दाखल करण्यात आला आहे. अधिक तपास उपनिरिक्षक जगदाळे करत आहेत.
….
होर्डींगवरून मारहाण
नाशिक : शिवजयंतीसाठी होर्डींग नेण्यावरून दोघांना मारहाण करण्यात आल्याचा प्रकार बुधवारी रात्री गंगापूर रोड परिसरात घडला. गुरूदत्त सुधाकार दामले (सौभाग्यनगर, गंगापूर रोड) असे मारहाण करणा-या संशयिताचे नाव आहे. याप्रकरणी विजय प्रभाकर शेळके यांनी तक्रार दाखल केली आहे. त्यानुसार सौभाग्यनगर येथील मोकळ्या जागेतून शिवजयंतीसाठी होर्डींग लावण्यासाठी फे्रम नेण्याच्या कारणातून संशयिताने शेळके यांच्या भावास धक्काबुक्की केली. ते समजवण्यासाठी गेले असता दामले यांनी त्यांना मारहाण करून डोक्यात दगड घातला. याप्रकरणी गंगापूर पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार कटारे करत आहेत.
…
पाय घसरून पडल्याने वृद्धेचा मृत्यू
नाशिक : बााथरूमध्ये पाय घसरून पडल्याने गंभीर जखमी झालेल्या वृद्धेचा मृत्यू झाल्याची घटना पाथर्डीफाटा परिसरात गुरूवारी सायंकाळी घडली. अनुसायाबाई बाविस्कर (६०, रा. नरहरीनगर, पाथडीर्फाटा) असे मृत्यू झालेल्या महिलेचे नाव आहे. राहते घरी त्यांचा बाथरूममध्ये पाय घसरून त्या पडून जखमी झाल्या होत्या उपचारासाठी त्यांना ताडीने जिल्हा रूग्णालयात दाखल करण्यात आले. परंतु तत्पुर्वीच त्यांचा मृत्यू झाल्याचे वैद्यकीय अधिका-यांनी तपासून घोषीत केले.
…..
