नाशिक : बस थांबा परिसरात पार्क केलेली बुलेट चोरट्यांनी चोरून नेल्याची घटना द्वारका परिसरात घडली. याप्रकरणी भद्र्रकाली पोलीस ठाण्यात चोरीचा गुन्हा दाखल करण्यात आला आहे. सागर रामदास वाघीले (२८ रा.टाकळीरोड) या युवकाने तक्रार दाखल केली आहे. वाघीले कामानिमित्त शनिवारी (दि.१३) रात्री द्वारका भागात आला होता. कावेरी हॉटेल समोर त्याने आपली एमएच १५ एफझेड ९६५३ ही सुमारे ७० हजार रूपये किमतीची बुलेट पार्क केली असता चोरट्यांनी ती पळवून नेली. अधिक तपास हवालदार शेख करीत आहेत.
…..
कारखान्यातून केबलची चोरी
नाशिक : बंद कारखान्यातून चोरट्यांनी सुमारे ५० हजार रूपये किमतीची केबल चोरून नेल्याची घटना नुकतीच उघडकीस आली. ही घटना सीसीटिव्ही यंत्रणेत कैद झाली असून याप्रकरणी अंबड पोलीस ठाण्यात चोरीचा गुन्हा दाखल करण्यात आला आहे. योगेश सावळीराम तिदमे (रा.बडदेनगर) यांनी याप्रकरणी तक्रार दाखल केली आहे. तिदमे यांचा अंबड औद्योगीक वसाहतीत राजहंस फेब्रिकेसन प्रा.लि.नावाचा कारखाना आहे. शनिवारी (दि.१३) कामगारांची साप्ताहिक सुट्टी असतांना ही घटना घडली. कारखाना बंद असल्याची संधी साधत चोरट्यानी अर्धवट लावलेल्या शटरमधून प्रवेश करीत ही चोरी केली. रविवारी ही घटना उघडकीस आली. सीसी टिव्ही फुटेज मध्ये दोन चोरटे केबलची चोरी करतांना आढळून आले असून त्यांनी सुमारे ५० हजार रूपये किमतीची वेगवेगळ््या प्रकारची केबल चोरून नेली. अधिक तपास जमादार शेळके करीत आहेत.
