नाशिक – दुकान फोडून लॅपटॉप व मोबाईल चोरी

दुकान फोडून लॅपटॉप व मोबाईल चोरी
नाशिक : दुकान फोडून मोबाईल व लॅपटॉप चोरून नेल्याची घटना अंबड लिंक रोडवरील दत्तनगर येथे घडली. चोरट्यांनी दुकानाचा पत्रा उचकटून ही चोरी केली असून याप्रकरणी अंबड पोलीस ठाण्यात गुन्हा दाखल करण्यात आला आहे.
इर्शाद शहजाद शेख (रा.माऊली चौक,दत्तनगर) यांनी तक्रार दाखल केली आहे. शेख यांचे घरकुलरोडवर बबलू मोबाईल शॉपी नावाचे दुकान आहे. २२ जानेवारी रोजी रात्री अज्ञात चोरट्यांनी त्यांच्या बंद दुकानावरील पत्रा उचकटून दुरूस्तीसाठी आलेले चार मोबाईल व लॅपटॉप असा १६ हजाराचा ऐवज चोरून नेला. अधिक तपास जमादार सोनवणे करीत आहेत.

………
ग्राहकाने चोरला मोबाईल
नाशिक : खाद्यपदार्थच्या दुकानात शिरलेल्या ग्राहकाने आयफोन चोरून नेल्याची घटना सातपूर कॉलनीत घडली. याप्रकरणी सातपूर पोलीस ठाण्यात गुन्हा दाखल करण्यात आला आहे.
नंदू प्रमोद सिंग (रा.श्रमिकनगर) यांनी तक्रार दाखल केली आहे. सिंग खाद्यपदार्थ विक्रीचा व्यवसाय आहे. सातपूर कॉलनीतील सप्तशृंगी देवी मंदिरासमोर ग्रीन लिफ चायनीज नावाचे त्यांचे दुकान असून मंगळवारी (दि.१६) ते दुकान कामात व्यस्त असतांना अज्ञात ग्राहकांने त्यांचा २० हजार रूपये किमतीचा आयफोन चोरून नेला. अधिक तपास उपनिरीक्षक काळे करीत आहेत.