नाशिक – नाशिक जिल्हा मध्यवर्ती सहकीरी बँकेवर त्रिसदस्यीय प्रशासक मंडळाची नेमणुक झाली असून दोन सदस्यांनी आज बँकेत येऊन कार्यभार हाती घेतला आहे. या त्रिससदस्यीय मंडळात एसआरए प्रकल्पाचे एम.ए.आरिफ, पुण्याचे सह निबंधक चंद्रशेखर बारी, तिसरे सदस्य तुषार पगार आहे. यातील तुषार पगार वगळता दोन्ही सदस्यांनी कार्यभार घेतला.
नाशिक जिल्हा मध्यवर्ती बँकेच्या संचालक मंडळ बरखाखास्तीच्या आदेशाला दिलेली स्थगिती शुक्रवारी मुंबई उच्च न्यायालयाने उठवली होती. या निर्णयाविरोधात वरिष्ठ न्यायालयात दाद मागण्यासाठी दोन आठवड्याचा कालावधी दिला आहे. आहेर उच्च न्यायालयात केले आहे. त्यांनी एक आठवड्याची मुदतवाढही मागितली. पण, त्यावर सुनावणी झाली नसल्याचे कळते.
जिल्हा बँकेतील नोकरभरती व अनियमित खरेदी प्रकरणी दोन वर्षांपूर्वी रिझर्व्ह बँकेचे संचालक मंडळ बरखास्त करण्यात आले होते. पण, या प्रकरणात संचालकांनी उच्च न्यायालयात धाव घेतल्यानंतर न्यायालयाने बरखास्तीला स्थगिती दिली होती. ही स्थगिती उठवल्यामुळे आता सहकार विभागाने प्रशासकाची नेमणुक केली आहे.
२०१७ मध्येच बरखास्तीची केली होती कारवाई
रिझर्व्ह बँकेच्या पत्रानुसार सहकार आयुक्तांनी डिसेंबर २०१७ मध्ये महाराष्ट्र सहकारी संस्था अधिनियम १९६०चे कलम ११० ए (१) (३) अन्वये संचालक मंडळ बरखास्त करून तेथे प्रशासकाची नियुक्ती केली होती. त्यानंतर प्रशासक म्हणून विभागीय सहनिंबधक मिलिंद भालेराव हे कामकाज बघत होते. पण, या निर्णयाविरुध्द केदा आहेर यांनी उच्च न्यायालयात याचिका दाखल केली व त्यांना स्थगिती मिळाली होती. ती शुक्रवारी उठवण्यात आली.
काय आहे प्रकरण
जिल्हा बँकेच्या संचालक मंडळाने २०१५ व २०१६ या दोन वर्षांत नोकरभरती, सीसीटीव्ही कॅमेरे खरेदी करणे, सुरक्षारक्षकांची नेमणूक, तिजोरी खरेदी करणे व सरकारी अध्यादेशाविरोधातील बेकायदेशीरपणे न्यायालयीन खर्च करण्याचे निर्णय घेतले होते. त्याप्रमाणे वसुलीअभावी बँकेचा एनपीए वाढल्याचा अहवाल नाबार्डने सन २०१६ मध्येच दिला होता. त्यानंतर राज्य सरकारने २०१७ मध्ये बँकेच्या बरखास्तीबाबत रिझर्व्ह बँकेला पत्र पाठविले होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
