नाशिक: येथील गंगापूररोड भागातील रहिवासी सेवानिवृत्त सेंट्रल एक्ससाईज आणि इन्कम ट्रॅक्स अधिकारी व कवी चिंतामण गुलाब बाविस्कर यांच्या माळरान या कविता संग्रहाचा प्रकाशन सोहळा ज्येष्ठ कवी उत्तम कोळगावकर आणि अगस्ती कारखान्याचे माजी मॅनेजिंग डायरेक्टर वसंतराव बाविस्कर तसेच प्रतीक्षा चिंतामण बाविस्कर यांच्या हस्ते संपन्न झाला. यावेळी कोळगावकर म्हणाले की, या कविता संग्रहात कवीच्या गावच्या मातीचा गंध असून निसर्गाचे सौंदर्य रेखाटले आहे. तसेच या कविता रानफुलासारख्या खास गंध असलेल्या उमलेल्या रानकळ्या आहेत.
