दिंडोरी : तालुक्यातील चाचडगाव ग्रामपंचायतीच्या सरपंचपदी हर्षदा दिगंबर गावंढे तर उपसरपंचपदी मणुबाई बाळू पेलमहाले यांची बिनविरोध निवड झाली. सरपंच व उपसरपंचापदासाठी एकमेव अर्ज आल्याने निवडणूक निर्णय अधिकारी पी.डी. जाधव यांनी निवड झाल्याचे जाहीर केले. सहा. निवडणूक निर्णय अधिकारी म्हणून ग्रामसेवक एम.आर. गायकवाड ,तलाठी एस.सी.भोये यांनी काम पाहिले. यावेळी कार्यकर्तांनी गुलाल उधळून,फटाके वाजवून आनंदोत्सव जल्लोष साजरा केला. याप्रसंगी नवनिर्वाचित सरपंच व उपसरपंच यांचा गावक-यानी सत्कार केला. ग्रामपंचायत निवडणूकीमध्ये पॅनेलचे नेतृत्व पंचायत समिती माजी सदस्य दिंडोरी सुनिल पद्माकर पाटील पेलमहाले,माजी.सरपंच साहेबराव गावंढे,दत्तात्रेय गावंढे,दामू गावंढे,केशव पेलमहाले ,सोमनाथ लांडे यांनी केले. यावेळी नवनिर्वाचित ग्रामपंचायत सदस्य सुनिल पाटील पेलमहाले,जिजाबाई गावंढे,मेघराज गावंढे,केशव मोरे,जिजाबाई गांगोडे,अलका गांगोडे आदी उपस्थित होते.
