नाशिक : कोणार्कनगर येथे राहणार्‍या महिला पोलीसांच्या घरी घराच्या मुख्य दरवाजाची कडी तोडून आतमध्ये प्रवेश करत अज्ञात चोरट्यांनी चोरी करण्याचा प्रयत्न केल्याचा घटना रविवारी (दि.२१) रात्री समोर आली. याप्रकरणी सुरेखा एकनाथ कुमावत (रा. ज्ञानेश्वर सोसायटी, कोणार्कनगर) यांनी तक्रार दाखल केली आहे. त्यानुसार रविवारी रात्री दोनच्या सुमारास चार अज्ञात चोरट्यांनी कुमावत यांच्या घराच्या मुख्य दरवाजाची कडी व टॉवर बोल्ट तोडून आतमध्ये प्रवेश करत चोरी करण्याचा प्रयत्न केला. याप्रकरणी आडगाव पोलीस ठाण्यात गुन्हा दाखल करण्यात आला आहे. हवालदार वाढवणे अधिक तपास करत आहे.
