नाशिक : घराजवळ पार्क केलेल्या कारची काच फोडून चोरट्यांनी लॅपटॉप चोरून नेल्याची घटना महामार्गावरील जत्रा हॉटेल भागात घडली. याप्रकरणी आडगाव पोलीस ठाण्यात चोरीचा गुन्हा दाखल करण्यात आला आहे.
सुजित काशिनाथ गांगुर्डे (रा.श्री विनायक रो हाऊस,महालक्ष्मीनगर) यांनी तक्रार दाखल केली आहे. गांगुर्डे यांची एमएच १५ एफएफ ३५६५ ही स्विफ्ट कार सोमवारी (दि.८) रात्री त्यांच्या घरासमोर पार्क केलेली असतांना ही घटना घडली. अज्ञात चोरट्यांनी त्यांच्या कारच्या मागच्या दरवाजाची काच फोडून सुमारे ६० हजार २०० रूपये किमतीचा लॅपटॉप चोरून नेला. अधिक तपास हवालदार बस्ते करीत आहेत.
जगताप मत ८३ हजाराची घरफोडी
नाशिक : कुटुंबिय दवाखान्यात गेल्याची संधी साधत चोरट्यांनी बंद घर फोडून ८३ हजाराचा ऐवज चोरून नेला. त्यात सोन्याचांदीच्या दागिण्यांचा समावेश आहे. याप्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे. धंनालाल नारायणदास सुर्यवंशी (रा.ग्रिनबेल अपा.आनंदनगर) यांनी तक्रार दाखल केली आहे. सुर्यवंशी हे शस्त्रक्रिया निमित्त .२६ ते ३१ दरम्यान परिसरातील सहारा हॉस्पिटलमध्ये दाखल असतांना ही घटना घडली. कुटूबिय दवाखान्यात असल्याची संधी साधत अज्ञात चोरट्यांनी त्यांच्या बंद घराचे कुलूप तोडून बेडरूममधील कपाटातून सोन्याचांदीचे दागिणे व महागडे वस्तू असा सुमारे ८३ हजार २५० रूपये किमतीचा ऐवज चोरून नेला. अधिक तपास सहाय्यक निरीक्षक परदेशी करीत आहेत.
