राऊत वस्तीवर एकाची आत्महत्या
नाशिक : घराच्या टेरेसवर जावून एकाने विषारी औषध सेवन करून आत्महत्या केल्याची घटना भुजबळ नॉलेज सिटी परिसरात घडली. सदर व्यक्तीच्या आत्महत्येचे कारण समजू शकले नाही. याप्रकरणी आडगाव पोलीस ठाण्यात मृत्युची नोंद करण्यात आली आहे. विलास मुरलीधर राऊत (४० रा.मातोश्री निवास, राऊत वस्ती) असे आत्महत्या करणा-या इसमाचे नाव आहे. विलास राऊत यांनी मंगळवारी (दि.१९) दुपारच्या सुमारास आपल्या घराच्या टेरेसवर जावून अज्ञात कारणातून विषारी औषध सेवन केले होते. ही बाब कुटूंबियांच्या निदर्शनास येताच बेशुध्द अवस्थेत जिल्हा रूग्णालयात दाखल केले असता वैद्यकीय सुत्रांनी त्यांना मृत घोषीत केले. अधिक तपास हवालदार देशमुख करीत आहेत.
…..
डावखरवाडीत महिलेची आत्महत्या
नाशिक : डावखरवाडी भागात राहणा-या ३५ वर्षीय महिलेने आपल्या राहत्या घरात गळफास लावून घेत आत्महत्या केली. सदर महिलेच्या आत्महत्येचे कारण समजू शकले नाही. याप्रकरणी उपनगर पोलीस ठाण्यात मृत्युची नोंद करण्यात आली आहे. स्मिता प्रशांत डावखर (रा.गुरूपुष्प सोसा.डावखरवाडी) असे आत्महत्या करणा-या महिलेचे नाव आहे. स्मिता डावखर यांनी मंगळवारी (दि.१९) आपल्या राहत्या घरातील बेडरूममध्ये अज्ञात कारणातून पंख्यास ओढणी बांधून गळफास लावून घेतला होता. त्यात त्यांचा मृत्यु झाला. याबाबत राकेश जाधव यांनी दिलेल्या खबरीवरून मृत्युची नोंद करण्यात आली असून अधिक तपास हवालदार कोकाटे करीत आहेत.
..
.
