खेळतांना पडल्याने बालकाचा मृत्यु
नाशिक : घरासमोरील अंगणात खेळत असतांना पडल्याने सहा वर्षीय चिमुकल्याचा मृत्यु झाला. ही घटना औरंगाबादरोडवरील नांदूरनाका भागात घडली. बालकास तात्काळ जिल्हारूग्णालयात दाखल करण्यात आले होते. मात्र उपचारादरम्यान त्याचा मृत्यु झाला. याप्रकरणी आडगाव पोलीस ठाण्यात मृत्युची नोंद करण्यात आली आहे.
मोहित सोमनाथ कु-हाडे (रा.साईनगर,नांदूरनाका) असे मृत बालकाचे नाव आहे. मोहित बुधवारी (दि.२३) सायंकाळच्या सुमारास आपल्या घरासमोर खेळत असतांना अचानक पाय घसरून पडला होता. या घटनेत त्याच्या डोक्यास दुखापत झाल्याने कुटूंबियांनी त्यास तात्काळ जिल्हारूग्णालयात दाखल केले असता उपचार सुरू असतांना त्याचा मृत्यु झाला. अधिक तपास हवालदार गांगुर्डे करीत आहेत.
…..
