नाशिक – जिल्ह्यामध्ये मंगळवारी (११ ऑगस्ट) दिवसभरात ५६५ जणांचे अहवाल पॉझिटिव्ह आल्याने त्यांना कोरोनाची लागण झाल्याचे स्पष्ट झाले. त्यात नाशिक ग्रामीण मध्ये ४०, नाशिक शहरात ५२२ तर मालेगाव शहरातील तिघांचा समावेश आहे. तर, जिल्ह्यात एकूण १२ जणांचा मंगळवारी कोरोनाने मृत्यू झाला आहे. त्यात नाशिक शहरातील १० तर मालेगाव शहर आणि नाशिक ग्रामीण मधील प्रत्येकी एकाचा समावेश आहे. दिवसभरात ५८० जण कोरोनामुक्त झाले आहेत.
जिल्ह्यात आजवर बरे झालेल्यांची संख्या १५ हजार ८६१ एवढी आहे. तर एकूण मृतांची संख्या ६३२ वर पोहचली आहे. नाशिक शहरासह जिल्ह्यात सध्या ४ हजार ६३१ कोरोना बाधित उपचार घेत आहेत. त्यात नाशिक शहरात ३ हजार १९४, ग्रामीण भागात १ हजार १३६, मालेगाव शहरात २९२ तर जिल्ह्याबाहेरील ९ जणांचा समावेश आहे. आजवर कोरोना बाधित झालेल्यांची जिल्ह्यातील संख्या एकूण २१ हजार १२४ एवढी झाली आहे.
