नाशिक कोरोना अपडेट-१०३९ नवे बाधित. ५४७ बरे झाले. २१ मृत्यू

नाशिक – गेल्या २४ तासात शहरासह जिल्ह्यामध्ये एकूण १०३९ नवे कोरोना बाधित आढळले आहेत. तर, ५४७ जण उपचार घेऊन बरे झाले असून दिवसभरात एकूण २१ जणांचा मृत्यू झाला आहे.

नाशिक शहरात गुरुवारी (२७ ऑगस्ट) ८०७ जण नवे बाधित झाले आहेत. शहरात आतापर्यंत ११३६ प्रतिबंधित क्षेत्र आहेत. गेल्या २४ तासात ९ जणांचा मृत्यू झाला आहे. त्यामुळे आतापर्यंत शहरातील मृत्यूंची संख्या ४७० झाली आहे. आतापर्यंत १८ हजार ६०८ जणांनी कोरोनावर मात केली आहे. सध्या ३२३० रुग्ण उपचार घेत आहेत. आजवरचे शहरातील कोरोना बाधित एकूण २२ हजार ३०८ झाले आहेत.

गुरुवारी दिवसभरात एकूण १०३९ नवे कोरोना बाधित झाले आहेत. त्यात ग्रामीणमधील १९४, नाशिक शहरातील ८०७, मालेगाव शहरातील ३८ जणांचा समावेश आहे. शहरासह जिल्ह्यात ८३४ जणांचा मृत्यू झाला आहे. त्यात नाशिक शहरातील ९, मालेगाव शहरातील १, ग्रामीण भागातील १० आणि जिल्ह्याबाहेरील १ जणाचा समावेश आहे.

शहरासह जिल्ह्यातील एकूण कोरोना बाधितांची संख्या ३३ हजार ८८ झाली आहे. तर, २६ हजार ५९६ जणांनी कोरोनावर मात केली आहे. पूर्ण झालेल्या रुग्णांची टक्केवारी ८०.३८ एवढी आहे.