नाशिक – नाशिक कोरोनाचा हॅाटस्पॅाट बनला आहे. आणखी यंत्रणा सक्षम व सशक्त करण्याची गरज असल्याचे प्रतिपादन विधान परिषदेतील विरोधी पक्षनेते प्रविण दरेकर यांनी केले. ते म्हणाले की, नाशिकमध्ये व्हेंटीलेटरचे बेड कमी पडता आहे. मी आताच मनपा आयुक्तांशी चर्चा केली. त्यांनी २०० बेड वाढवण्याचे मान्य केले. त्याचप्रमाणे एसएनडीटीत १०० बेड वाढवावे असेही त्यांनी सांगितले.
एन. डी. पटेल रोडवरील भाजपच्या वसंतस्मृती कार्यालयात पत्रकार परिषदेचे आयोजन करण्यात आले होते. यावेळी ते बोलत होते. यावेळी कोरोना लसीबाबत बोलतांना दरेकर म्हणाले की, २० लाखाची डोसची जिल्हयात आवश्यकता आहे. पण, तीन लाख डोस उपलब्ध आहे. १७ लाख शाॅर्टेज आहे. ४५ वयोगटातील जेव्हा देण्यात येतील तेव्हा ४० लाख डोसची आवश्यकता लागेल. त्यामुळे जास्तीत जास्त लसीकरणाचे डोस उपलब्ध करुन द्यावे यासाठी मी केंद्र व राज्य शासनाना विनंती करणार आहे.
राज्य सरकार बाबत बोलतांना ते म्हणाले की, कोरोना नियंत्रण आणण्यात राज्य सरकार अपयशी ठरले आहे. देशातील सर्वाधिक कोरोनाग्रस्त १० जिल्ह्यापैकी ९ जिल्हे राज्यातील आहे. त्यासाठी उपाययोजना करण्याची गरज आहे. पण, मुख्यमंत्री, उपमुख्यमंत्री व पालकमंत्री हे लॅाकडाउन करण्याचा फक्त दम भरतात. जेथे लॅाकडाऊनची गरज आहे तेथे करावी, पण, सरसकट ते करता कामा नये असा सल्ला त्यांनी दिला. यावेळी त्यांनी राज्य सरकारने समन्वयातून मार्ग काढायला हवा असेही त्यांनी सांगितले.
यावेळी त्यांनी अवकाळीग्रस्त शेतक-यांची सटाणा तालुक्यातील भेटीची माहिती दिली. ते म्हणाले की, सरकारने अवकाळीग्रस्त शेतक-यांचे सरसकट पंचनामे करुन तात्काळ १ लाख हेक्टरी प्रमाणे मदत करावी. या शेतक-यांची भेटी कृषीमंत्री, पालकमंत्री व शासनाच्या प्रतिनिधीने अद्याप घेतली नसल्याचेही त्यांनी सांगितले. या पत्रकार परिषदेत भाजप अध्यक्ष गिरीष पालवे, आ. देवयानी फरांदे, आ. सीमा हिरे, डॅा.राहुल आहेर, यासह भाजपचे प्रमुख नेते उपस्थितीत होते.
महत्त्वाचे व ठळक मुद्दे :
-नाशिक जिल्ह्यातील शेतकरी सधन असला तरी कर्जबाजारी आहे. हे जिल्हाधिकाऱ्यांच्या निदर्शनास आणून दिले.
-अवकाळीग्रस्त शेतकऱ्यांची वीज खंडित करू नका, त्यांना हप्ते पाडून द्या!
-कोरोना संदर्भात नाशिकची यंत्रणा सशक्त करण्याची आवश्यकता आहे.
-लसीकरणासाठी २० लाख डोसची आवश्यकता, पंरतु ३ लाख उपलब्ध आहेत. लसीकरणासाठी जास्तीत जास्त डोस उपलब्ध करण्यासाठी प्रयत्न.
-कोरोना देशभरात नियंत्रित झाला, परंतु राज्यात वाढतोय देशभरात सर्वाधिक बाधित असलेल्या १० पैकी ९ जिल्हे महाराष्ट्रातील आहेत.
-त्यामुळे सरकारने केवळ दम देऊन चालणार नाही. लॉकडाऊनमुळे लोकांचा उदरनिर्वाह थांबू नये. याविषयात सुवर्णमध्य काढण्याची आवश्यकता आहे.
-लॉकडाऊनमुळे सर्वांना त्रास होऊ नये याची दक्षता घेतली गेली पाहिजे. आवश्यक आहे त्याठिकाणी लॉकडाऊन करावे.
-परमबीर सिंग यांच्या बाबतीत आघाडी सरकारची आता का नकारात्मक भूमिका झाली हे स्पष्ट करावे.
-कॉंग्रेस आता विरोधी पक्ष नेत्याच्या भूमिकेत जात आहे.
-आपण हरायचं नाही लढायचं अशी भावना नाशिकच्या शेतकऱ्यांची आहे.
-गारपीटग्रस्त भागात ना पालकमंत्री पोहोचले ना कृषिमंत्री पोहोचले यामुळे सरकारची याविषयीची संवेदना दिसून येते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
