इमारतीवरील टॉवरच्या बॅट-या चोरट्यांनी चोरून नेल्या, टाकळीरोडची घटना
नाशिक : इमारतीवरील टॉवरच्या बॅट-या चोरट्यांनी चोरून नेल्याची घटना टाकळीरोड भागात घडली. याप्रकरणी भद्रकाली पोलीस ठाण्यात चोरीचा गुन्हा दाखल करण्यात आला आहे. मिलींद सखाराम जगताप (रा.कोनार्क नगर) यांनी याप्रकरणी तक्रार दाखल केली आहे. जगताप टॉवर देखभाल दुरूस्तीचे काम बघतात. अनुसया नगर येथील फत्तेमुसकान या इमारतीवर असलेल्या टॉवरच्या बॅट-या जुन्या झाल्याने जगताप यांनी बदलल्या होत्या. नवीन बॅट-या टाकून वाहन व्यवस्था नसल्याने त्यांनी जुन्या बॅट-या इमारतीवरील पाण्याच्या टाकी शेजारी ठेवल्या होत्या. दि.१७ ते १९ डिसेंबर दरम्यान अज्ञात चोरट्यानी सुमारे १९ हजार रूपये किमतीच्या १९ जुन्या बॅट-या चोरून नेल्या. अधिक तपास जमादार भालेराव करीत आहेत.
….
मालट्रकसह दुचाकी चोरी
नाशिक : शहरात वाहनचोरीची मालिका सुरू असून वेगवेगळया ठिकाणी पार्क केलेल्या मालट्रकसह दुचाकी चोरट्यांनी चोरून नेली. याप्रकरणी इंदिरानगर आणि अंबड पोलीस ठाण्यात गुन्हा दाखल करण्यात आला आहे.
सिडकोतील महाजननगर भागात राहमारे अशोक अभिमान पाटील (रा.पायल पार्क,जय हिंद कॉलनी) यांनी आपला सुमारे १५ लाख रूपये किमतीचा व्हायवा मालट्रर एमएच १५ एफक्यू ६४४४ पाथर्डी फाटा परिसरातील आनंदनगर येथील श्याम अपार्टमेंट शेजारी पार्क केलेला असतांना चोरट्यांनी पळवून नेला. ही घटना २९ नोव्हेंबर ते २१ डिसेंबर दरम्यान घडली. याप्रकरणी इंदिरानगर पोलीस ठाण्यात गुन्हा दाखल करण्यात आला असून अधिक तपास हवालदार शेख करीत आहेत. दुसरी घटना सिडकोतील सिंहस्थनगर भागात घडली. राजेंद्र धर्मा पाटील (रा.प्रथमेश अपा.स्वामी समर्थ केंद्राजवळ) यांची युनिकॉर्न मोटारसायकल एमएच १५ एफबी २०७० दि.१४ नोव्हेंबर रोजी त्यांच्या सोसायटीच्या पार्किंगमध्ये लावलेली असतांना चोरट्यांनी चोरून नेली. याप्रकरणी अंबड पोलीस ठाण्यात गुन्हा दाखल करण्यात आला असून अधिक तपास हवालदार चव्हाण करीत आहेत.
