आजारी आईस सावत्र मुलाकडून मारहाण
नाशिक : दवाखान्यातून उपचार घेवून परतलेल्या मातेस लोटून देवून सावत्र मुलाने मारहाण केल्याची घटना आरटीओ कॉर्नर भागात घडली. ही घटना पैश्यांच्या मागणीतून घडली असून यात महिलेच्या गळयातील सोन्याची पोत गहाळ झाली आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
निर्माण वामन पवार (२७ रा.कस्तूरबानगर झोपडपट्टी) असे आपल्या आईस मारहाण करणा-या मुलाचे नाव आहे. याप्रकरणी शितल पवार (६२ रा.गोरक्षनगर) यांनी तक्रार दाखल केली आहे. शितल पवार या आजारी असल्याने मॅग्नम हॉस्पिटल येथे दाखल झाल्या होत्या. शुक्रवारी (दि.२९) सायंकाळी त्या उपचार घेवून घरी परतल्या असता ही घटना घडली. घरात प्रवेश करीत असतांना संशयीत सावत्र मुलाने त्यांना लोटून देत त्यांच्या डोक्यात पाठीमागून काहीतरी वजनी वस्तूने प्रहाक केला. यावेळी त्या जमिनीवर कोसळल्या असता संतप्त संशयीताने त्यांना लाथाबुक्यांनी मारहाण करीत मला २५ लाख रूपये द्या नाही तर तुमचा बेत पाहिन असा धमकी देत पोबारा केला. या घटनेत शितल पवार यांच्या गळयातील सोन्याची पोत गहाळ झाली असून अधिक तपास जमादार वाघ करीत आहेत.
……
सातपूर कॉलनीत बालिकेचा विनयभंग, एकास अटक
नाशिक : पाणी देण्याच्या बहाण्याने घरात बोलावून घेत ५७ वर्षीय इसमाने अल्पवयीन बालिकेचा विनयभंग केल्याची घटना सातपूर कॉलनीत घडली. याप्रकरणी सातपूर पोलीस ठाण्यात विनयभंग आणि बाल लैंगिक अत्याचार संरक्षण (पोस्को) कायद्यान्वये गुन्हा दाखल करण्यात आला असून संशयीतास पोलीसांनी बेड्या ठोकल्या आहेत.
सुनिल भाटे (रा.सम्यक चौक) असे अटक केलेल्या संशयीताचे नाव आहे. भाटे याने शुक्रवारी (दि.२८) सायंकाळच्या सुमारास हे कृत्य केले. परिसरातील अल्पवयीन मुलीस संशयीताने आपल्या घरात बोलावून घेत पाणी आणण्यासाठी सांगितले. यावेळी मुलगी स्वयंपाक घरात गेली असता संशयीताने दरवाजा लावून घेत विनयभंग केला. अधिक तपास उपनिरीक्षक काळे करीत आहेत.
…
