नाशिकरोड – येथील सद्गुरु नगर मध्ये रामचंद्र शिंगाडे यांनी ब्रह्माकुमारी संस्थेच्या संस्कार वर्ग पाठशाळेसाठी सदनिका उपलब्ध करून दिली. या पाठशाळेचे उद्घाटन २७ जानेवारी रोजी ब्रह्माकुमारी संस्थेच्या उपक्षेत्रीय संचालिका राजयोगिनी ब्रह्माकुमारी वासंतीदीदीजी यांच्या शुभहस्ते करण्यात आले. या प्रसंगी ब्रह्मकुमारी शक्ती दीदी यांनी स्वागत केले तर गोदावरी दीदी यांनी प्रास्ताविक केले.
ब्रह्मकुमार रामचंद्र हे मुंबई येथे शिक्षण विभागात सहाय्यक शिक्षण उपनिरीक्षक पदावर तर संध्या शिंगाडे या मीरा-भाईंदर येथे आरोग्य विभागात कार्यरत आहेत. ब्रह्मकुमारी संस्थेशी ते गेल्या १४ वर्षांपासून संलग्न असून ईश्वरीय कार्यात आपला खारीचा वाटा देऊन आपण ईश्वरीय आशीर्वाद व पुण्य प्राप्त केले आहे अशा भावना रामचंद्र यांनी याप्रसंगी व्यक्त केल्या. सद्गुरु नगर येथील या पाठशाळेत जय भवानी रोड, सद्गुरू नगर, मनोहर गार्डन, खांडरे नगर, गुलमोहर कॉलनी, धोंगडे नगर आदी परिसरातील नागरिक व साधकांसाठी राजयोग मेडिटेशन करण्यासाठी ही पाठशाळा अतिशय उपयुक्त सिद्ध होणार आहे. कार्यक्रमात परिसरातील ब्रह्माकुमारी संस्थेचे साधक सोशल डिस्टंसिंग व मास परिधान करून उपस्थित होते. ब्रह्माकुमारी वासंतीदीदीजी यांच्या हस्ते रामचंद्र व संध्या शिंगाडे यांना सत्कार करण्यात आले.
