नाशिक – सोन्याची चेन विकत घेण्याच्या बहाण्याने दोन लाखांची सोनसाखळी चोरल्याची घटना नाशिकरोड येथील अष्टेकर ज्वेलर्समधील घडली. या चोरीची संपूर्ण घटना सीसीटीव्हीत कैद झाली आहे. चोरी करणाऱ्या महिलेसह अन्य एक महिला आणि दोन पुरुष असल्याचे सीसीटीव्हीत दिसत आहे.
ज्वेलर्स दुकानातील महिला कर्मचाऱ्यांची नजर चुकवून स्कार्फधारी महिलेची हातचलाखी, त्यानंतर सोनसाखळी उचलून स्कार्फमध्ये लपवल्याचे सुद्दा कॅमेरात कैद झाले आहे. दुकानातील कर्मचाऱ्यांना बोलण्यात गुंतवून सोन्याचे दागिने चोरणारी टोळी सक्रिय झाल्याची चर्चा सुरु असतांना ही घटना घडली. ऐन दिवाळीच्या तोंडावर चोरीच्या घटना वाढल्यानं सराफा व्यापाऱ्यांमध्ये चिंतेचं वातावरण आहे.
