नाशिक – राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ यांची आज नाशिक भुजबळ फार्म येथे शिवसेनेचे ज्येष्ठ नेते खासदार संजय राऊत यांनी सदिच्छा भेट घेतली. यावेळी शिवसेना संपर्क प्रमुख भाऊ चौधरी, माजी खासदार समीर भुजबळ उपस्थित होते. या बंद दाराआड झालेल्या बैठकीत नेमकी काय चर्चा झाली हे समोर आले नसले तरी आगामी महानगरपालिका व इतर स्थानिक स्वराज संस्थेच्या निवडणुकीबाबत चर्चा झाल्याचे बोलले जात आहे.
