नाशिक – नाशिकचे अनेक कलाकार चित्रपट, मालिका व अल्बम मधून धमाल करत आहे. तर काही जणांचे व्हिडिओ यू ट्यूब वर पिंगा घालत आहे. पाच महिन्यापूर्वी असाच चाळीशीनंतरचे प्रेम हा यू ट्यूबवर अपलोड केलेला व्हिडिओ अनेकांच्या पसंतीस उतरला आहे. प्रेम म्हणजे प्रेम असत…प्रेमाला वय नसतं… चाळीशीनंतरचे प्रेम अफलातून असते असे बोल असणारे गाणे या व्हिडिओमध्ये आहे. आतापर्यंत ५ हजाराहून अधिक रसिकांनी तो बघितला आहे. इतकेच नाही तर या व्हिडिओचे लाईक मोठ्या प्रमाणात वाढत आहे. या व्हिडिओचे निर्मिती दिग्दर्शन प्रविण देवरे यांनी केले आहे. गीत – अर्चना देवरे, तर संगीत – निलेश गरुड यांनी दिले आहे. या व्हिडिओतील गाणे संज्योती देवरेने गायले आहे. तुम्हालाही नक्की आवडेल हा व्हिडिओ…
