नाशिक – शहरासह जिल्ह्यात कोरोनाचा उद्रेक झाला असून सध्या उपचार घेत असलेल्यांची संख्या तब्बल २६ हजारांपुढे गेली आहे. दोन आठवड्यातच कोरोनाचा प्रचंड वेगाने फैलाव झाला आहे. याची दखल घेत पालकमंत्री छगन भुजबळ यांनी तातडीने कोरोना आढावा बैठक बोलावली आहे. सायंकाळी ५ वाजता जिल्हाधिकारी कार्यालयात ही बैठक होणार आहे. त्यात नाशिकमध्ये आणखी निर्बंध लावायचे की लॉकडाऊन लावायचा, याचा फैसला केला जाणार आहे.
अशी आहे सद्यस्थिती
जिल्हा सामान्य रुग्णालयामार्फत आज प्राप्त अहवालानुसार जिल्ह्यातील १ लाख ५२ हजार ४८७ कोरोना बाधीतांना डिस्चार्ज देण्यात आला असून सद्यस्थितीत २६ हजार ६४३ रुग्णांवर उपचार सुरु असून आत्तापर्यंत २ हजार ३९२ रुग्णांचा मृत्यू झाला आहे, अशी माहिती जिल्हा सामान्य रुग्णालयाचे नोडल अधिकारी डॉ. अनंत पवार यांनी दिली आहे. जिल्ह्यात नाशिक शहरात १६ हजार ८४ तर जिल्ह्यातील तालुक्यात निफाड तालुक्यात १ हजार ४११ सर्वाधिक कोरोना रुग्णांची संख्या आहे.
उपचार घेत असलेले पॉझिटिव्ह रुग्ण:
नाशिक ग्रामीण मध्ये नाशिक ५५१, चांदवड ६५१, सिन्नर ५९८, दिंडोरी ५३२, निफाड १ हजार ४११, देवळा ९०१ , नांदगांव ७२६, येवला ५७६, त्र्यंबकेश्वर १६४, सुरगाणा ११७, पेठ ५६, कळवण १९३, बागलाण ९७९, इगतपुरी ३४७, मालेगांव ग्रामीण ८०९ असे एकूण ८ हजार ६११ पॉझिटीव्ह रुग्णांवर उपचार आहे. तसेच नाशिक महानगरपालिका क्षेत्रात १६ हजार ०८४, मालेगांव महानगरपालिका क्षेत्रात १ हजार ७२२ तर जिल्ह्याबाहेरील २२६ असे एकूण २६ हजार ६४३ रुग्णांवर उपचार सुरु आहेत. तसेच आजपर्यंत जिल्ह्यात १ लाख ८१ हजार ५२२ रुग्ण आढळून आले आहेत.
रुग्ण बरे होण्याची टक्केवारी
जिल्हयात रुग्ण बरे होण्याची टक्केवारी नाशिक ग्रामीण मधे ८२.९५ टक्के, नाशिक शहरात ८४.९२ टक्के, मालेगाव मध्ये ७७.८२ टक्के तर जिल्हा बाह्य रुग्णांचे बरे होण्याचे प्रमाण ८७.४९ टक्के आहे. तसेच जिल्ह्यात बरे होण्याचे प्रमाण ८४.०० इतके आहे.
मृत्यु :
नाशिक ग्रामीण ९७१ नाशिक महानगरपालिका क्षेत्रातून १ हजार १४८, मालेगांव महानगरपालिका क्षेत्रातून २०३ व जिल्हा बाहेरील ७० अशा एकूण २ हजार ३९२ रुग्णांचा मृत्यु झाला आहे.
लक्षणीय :
– १ लाख ८१ हजार ५२२ कोरोनाबाधित रुग्णांपैकी १ लाख ५२ हजार ४८७ रुग्ण पुर्णपणे बरे झाल्याने त्यांना डिस्चार्ज.
– सध्या जिल्ह्यात उपचार घेत असलेले २६ हजार ०५८ पॉझिटिव्ह रुग्ण.
– जिल्ह्यात बरे होण्याचे प्रमाण ८४.०० टक्के
– जिल्ह्याचा पॉझिटिव्हिटी रेट ३१.२५ टक्के
(वरील आकडेवारी जिल्हा सामान्य रुग्णालयाकडून प्राप्त माहितीच्या आधारे नमूद करण्यात आली आहे.)
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
