ऩाशिक – नानेगाव ते पळसे साखर कारखाना रोडवर ट्रॅक्टर व दुचाकी यांचा विचित्र अपघातात दुचाकीस्वार ठार झाला आहे. देवळाली कँम्प पोलीस ठाण्यात याबाबत ट्रॅक्टर चालक विकास दगू सानप याने दिलेल्या फिर्यादीनुसार,
नानेगाव ते पळसे साखर कारखानादरम्यान सावरकरनगर मळे परिसरात लोकवस्ती आहे. सायंकाळी सहा वाजेदरम्यान जॉन डिअर कंपनीचा ट्रॅक्टर (एम एच १५ डी यू ४५९४) ट्रॉलीत दगड माती भरुन समाधान आडके यांच्या घराकडे घेऊन जात होते. त्याचवेळी साडे सहा वाजेदरम्यान सावरकर नगर या लोकवस्ती जवळ नानेगाव कडून दुचाकी चालक भरधाव वेगाने येत होता. दरम्यान दुचाकी ट्रॅक्टर इंजिन जवळून जात ट्रॉलीला धडकल्याने दुचाकी (क्रमांक एम एच १५ बीटी ९५०३) चालक नवनाथ बन्सी पवार (रा. वर्हे दारणा) त्याचे शीर धडावेगळे होऊन तो जागीच ठार झाला, अशी माहिती पोलिस ठाण्यात दिली आहे. याप्रकरणी विचित्र अपघाताचा गुन्हा रात्री उशीरा दाखल झाला आहे.
