नांदुरमध्यमेश्वर- मद्यधुंद अवस्थेत नागाशी मस्ती करणे नांदूरमध्यमेश्वर येथील तरुणाच्या चांगलेच अंगलट आले आहे. विषारी नागाशी चार वेळा चावा घेतल्यामुळे या तरुणाची प्रकृती चिंताजनक आहे. त्याच्यावर नाशिकमधील शासकीय जिल्हा रुग्णालयात उपचार सुरू आहेत. या तरुणाचा नागा सोबत मस्ती करणारा व्हायरल व्हिडिओ समोर आला आहे. मद्यधुंद अवस्थेत असलेल्या मंगेश भाऊसाहेब गायकवाड या तरुणाने जिल्हा परिषद शाळेच्या आवारात नाग दिसताच त्याच्याशी मस्ती सुरू केली. यावेळी अनेक ग्रामस्थांनी त्यांची समजूत काढण्याचा प्रयत्न केला. पण हा तरुण मद्यधुंद अवस्थेत असल्याने कोणाचे ऐकण्यास तयार नव्हता. अर्धनग्न अवस्थेत तो नागाशी खेळत होता. त्यातच त्याने कमरेखालील पॅन्ट काढून फेकून दिली. याचवेळी नागाने मंगेशला चार वेळा चावा घेतला. नाग चावल्याच्या रागात मंगेशने त्यालाच हाताने ठेचून मारण्याचा प्रयत्न केला. या घटनेत त्याची प्रकृती चिंताजनक आहे. निफाड येथे प्राथमिक उपचार करून नाशिक येथील जिल्हा शासकीय रुग्णालयात उपचारासाठी त्याला दाखल करण्यात आले आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
