नांदगाव – तालुक्यातील वडाळी बु.येथील माध्यमिक व उच्च माध्यमिक विद्यामंदिर विद्यालयातील उपशिक्षक सदगीर एस.एम.यांना शैक्षणिक क्षेत्रात उल्लेखनीय कार्याबद्दल राज्यस्तरीय गुणवंत शिक्षक गुरुगौरव शिक्षकरत्न पुरस्कार २०२० या पुरस्काराने सन्मानित करण्यात आले. कोव्हीड १९ च्या पार्श्वभूमीवर या पुरस्काराचे वितरण प्रत्यक्ष न करता ऑनलाईन पद्धतीने करण्यात आले.
मनुष्यबळ विकास लोकसेवा अकादमी (रजि.ट्रष्ट),मुंबई. यांच्यामार्फत विविध क्षेत्रात उल्लेखनीय कार्य करण्याऱ्या विविध क्षेत्रातील व्यक्तींना हा पुरस्कार दरवर्षी देण्यात येतो. यंदाचा २०२० सालचा पुरस्कार अॅड..कृष्णाजी जगदाळे ( संस्थापक अध्यक्ष ) यांच्या मार्फत ऑनलाईन पुरस्काराचे वितरण करण्यात आले. सन्मानचिन्ह,गौरवपदक,मानपत्र,महावस्त्र,मानकरी बॅच, मानाचा फेटा असे या पुरस्काराचे स्वरूप आहे.
एस.एम.सदगीर यांना विद्यालयात एक तंत्रस्नेही शिक्षक म्हणून ओळखले जाते. संगणक,तंत्रज्ञान,व ऑनलाईन कामकाजाविषयी ते नेहमी तत्पर असतात. त्यांच्या या कार्यामुळे त्यांना या पुरस्काराने सन्मानित करण्यात आले.पुरस्कार मिळाल्याबद्दल विविध क्षेत्रातून सदगीर यांचे अभिनंदन होत आहे.
