नांदगाव – नांदगाव तालुक्यातील भौरी शिवार येथे जिभाऊ मधुकर गायकवाड (३६) या तरुण शेतक-याची अज्ञात व्यक्तीने हत्या केली आहे. या हत्येचे कारण पुढे आले नाही. या प्रकरणी जिभाऊचे वडील मधुकर बाबुराव गायकवाड (५७) यांनी नांदगाव पोलिस स्थानकात फिर्याद दाखल केली आहे. शेताजवळच पहाटेच्या सुमारास ही हत्या झाल्याचे बोलले जात आहे. तीक्ष्ण दगडाने डोक्यावर व कानावर मारुन ही हत्या केली आहे. या हत्येत पुरावे नष्ट करण्याचा प्रयत्नही आरोपीने केला आहे. याअगोदरही नांदगाव तालुक्यात अशीच अज्ञात व्यक्तींनी हत्या केली होती. त्यानंतर हा दुसरा प्रकार समोर आला आहे. या हत्येमागे नेमके काय कारण आहे. ही हत्या कोणी केली असावी याचा पोलिस शोध घेत आहे.
