नांदगाव – एकात्मिक बाल विकास सेवा योजना अंतर्गत पोषण माह कार्यक्रम

नांदगाव – केंद्र शासनाच्या पोषण अभियान या महत्वाकांक्षी उपक्रमात माहे सप्टेंबर महिना पोषण माह म्हणून साजरा करण्यात येत आहे.एकात्मिक बाल विकास सेवा योजना नांदगाव तालुक्यातील बोलठाण, नागापुर, न्यायडोंगरी, वेहळगाव येथे बिट स्तरीय पोषण अभियान कालावधीतील पोषण माह कार्यक्रम घेण्यात आला. याप्रसंगी जिल्हा परिषद महिला व बालकल्याण सभापती आर्कि.अश्विनी अनिल आहेर यांनी महिलांना पोषण महाचे महत्व विषद करून सांगितले.

पोषण माह चे महत्व सांगणाऱ्या व बेटी बचाओ-बेटी पढ़ाओ या विषयावर मुलींनी रांगोळ्या काढल्या. गरोदर मातेच्या कौतुक सोहळ्याचे आयोजन, ६ महिने पूर्ण झालेल्या बाळांचे अर्धवार्षिक वाढदिवस, तीन वर्ष पूर्ण झालेल्या बालकांचा प्रवेशोत्सव , मुलींच्या जन्माचे स्वागत, सामाजिक लेखा परीक्षण, आहार प्रात्यक्षिक, किशोरवयीन मुलींची HB तपासणी, इ उपक्रम घेण्यात आले..तसेच जि.प. सेस योजनेमधील मधील किशोरवयीन मुलींना सॅनिटरी नॅपकीन चे मोफत वाटप ,अंगनवाडी केंद्राना वॉटर फिल्टरचे वाटप जि प महिला व बालकल्याण समितीच्या सभापती मा आर्कि अश्विनीताई आहेर व पंचायत समिती सदस्य सौ. ख़िरडकर यांच्या हस्ते करण्यात आले.

बोलठाण येथे यांनी एक मुठ पोषण कार्यक्रमा अंतर्गत आहार कुपोषित बालकांना देण्यात आला. सभापती यांनी अध्यक्षीय भाषणात अंगनवाडी सेविकांचा अन्नदूत म्हणून गौरव केला. तसेच जनजागृती होऊन पोषण अभियानाचे उद्दिष्ट साध्य केले पाहिजे, कुपोषणाचे प्रमाण कमी करणे तसेच गरोदर माता व ६ महीने ते ६ वर्ष बालकांनी कोणता आहार घ्यावा, काळजी कशी घ्यावी, तसेच माझे कुटुंब, माझी जबाबदारी या उपक्रमात अंगणवाडी सेविका, आशा स्वंयसेविका यांनी घरोघरी जाऊन कोरोना चा सर्व जबाबदारीने करावा याबाबत त्यांनी उपस्थितांना मार्गदर्शन केले. या अभियानात  सौ. ख़िरडकर पंचायत समिती सदस्य , बाल विकास प्रकल्प अधिकारी बोलठाण ग्राम पंचायत प्रशासक , प्रा.आरोग्य केंद्र बोलठाणच्या वैद्यकीय अधिकारी डॉ. प्राची बोरगुडे व डॉ. स्वाती गोंड उपस्थित होत्या.